काठमाडौं – नायिका प्रियंका कार्कीको होम प्रोडक्सनमा बनेको पहिलो फिल्म ‘मास्टर्नी’ बक्स अफिसमा फ्लप भएको छ ।

चलचित्र विकास बोर्डका अनुसार सुरुवाती ९ दिनमा यो फिल्मले ३९ लाख ५२ हजार मात्रै ग्रस कलेक्सन गरेको छ । भदौं ५ देखि प्रदर्शनमा आएको यो फिल्म हेर्न भदौ १४ सम्म ११ हजार ९९६ वटा मात्रै टिकट खरिद-बिक्री भएको छ ।

प्रियंकालाई डेब्यू निर्माण रहेको फिल्मबाटै व्यवसायिक धक्का लागेको हो ।

अर्कोतर्फ प्रियंकालाई यो फिल्मबाट ‘चोरी’को ट्याग लागेको छ । ‘मास्टर्नी’ भारतीय फिल्म ‘दृश्यम’सँग हुबहु मिल्छ । सोहीकारण उनलाई स्क्रिप्ट चोरी वा ‘कपी’को आरोप लागेको छ ।

यही नकारात्मक प्रतिक्रियाका कारण यो फिल्मप्रति दर्शकको आकर्षण घटेको हो ।

यस फिल्ममा प्रियंका नै शीर्ष भूमिकामा छिन् । उनीसहित फिल्ममा नायकहरू प्रमोद अग्रहरी, आर्यन सिग्देल, रक्षा थापा र सिम्रन खड्का शीर्ष भूमिकामा छन् ।