काठमाडौं- सुनसरीसहित तराई-मधेशमा देखिएको तनाव कम गर्न राष्ट्रिय स्वतन्त्र पार्टी (रास्वपा)का सभापति रवि लामिछानेले आफूलाई निरन्तर सक्रिय गराएका छन्।

बुधबारदेखि निरन्तर संवादमा रहेका उनले शुक्रबार विभिन्न धर्मका अगुवाहरूसँग छलफल थालेका छन् ।

शुक्रबार पार्टी संसदीय दलको कार्यालय सिंहदरबारमा मुस्लिम धर्मका अगुवा मौलाना नरुल हुसेन र मौलाना मोहम्मद खालिदसँग उनले छलफल गरे।

उता हिन्दु महासंघका महासचिव रामचन्द्र तिवारी र सचिवालय सदस्य राजुराज फुयालसँग पनि उनले एकसाथ छलफल गरेका छन् । दुवै धर्मका अगुवालाई एकसाथ राखेर रविले सामाजिक र धार्मिक सद्भावको पक्षमा वातावरण बनाउने पहल गरेका हुन्।

यसअघि आइतबारदेखि सुनसरीबाट सुरू तनाव कम गर्न उनले बुधबार सर्वदलीय बैठक राखे । बिहीबार मधेशवादी दलका नेतासँग संवाद गरे । बिहीाबर नै उनले राष्ट्रपति रामचन्द्र पौडेललाई भेटे। त्यही दिन कोशी र मधेशबाट निर्वाचित राष्ट्रिय स्वतन्त्र पार्टीका सांसदसँग पनि उनले संवाद गरे।

तस्बिरहरू : रवि लामिछानेको सचिवालय