काठमाडौं– राष्ट्रिय युवा सङ्घ नेपालको केन्द्रीय अध्यक्षमा महाराज गुरुङ चयन भएका छन् ।

शुक्रबार काठमाडौँमा बसेको युवा सङ्घ केन्द्रीय युवा परिषद् प्रथम बैठकले उपाध्यक्ष महाराज गुरुङलाई अध्यक्षमा चयन गरेको हो ।

कार्यक्रममा अध्यक्ष क्षितिज थेबेले उपाध्यक्ष गुरुङलाई नेतृत्व हस्तान्तरण गरेका थिए  । 

त्यस्तै नेकपा एमालेका महासचिव शङ्कर पोखरेल, सचिव महेश बस्नेत, सचिव भानुभक्त ढकाललगायत नेताहरूले कार्यकालको शुभकामना दिएका छन् ।

अध्यक्षमा चयन भएपछि गुरुङले राजनीतिक र वैचारिक रुपमा सङ्गठनलाई बलियो बनाउँदै लैजाने बताए  । 

आसन्न निर्वाचनमा पार्टीलाई विजयी बनाउन जनताको बीचमा गएर युवाहरूको मुद्दाहरूलाई अघि बढाउने उनको भनाइ छ ।  

सङ्घको गत जेठ १४ गते पोखरामा सम्पन्न दशौँ राष्ट्रिय महाधिवेशनबाट निर्वाचित थेबे आसन्न प्रतिनिधिसभा सदस्य निर्वाचनमा ताप्लेजुङबाट एमालेका तर्फबाट उम्मेदवार बनेपछि नेतृत्व हस्तान्तरण गरेका हुन् । 

अध्यक्षको जिम्मेवारी पाए लगत्तै गुरुङले पद तथा गोपनीयताको शपथ पनि लिएका थिए ।