काठमाडौं– जिल्ला प्रशासन कार्यालय सिरहाले गोलबजार क्षेत्रमा अनिश्चितकालीन कर्फ्यु आदेश जारी गरेको छ । 

जिल्लाको पछिल्लो सुरक्षा स्थितिको विश्लेषण गर्दा आन्दोलन र हुलदंगा भई शान्ति सुरक्षा भंग हुन सक्ने देखिएकाले बिहीबार दिउँसो २ बजेदेखि अर्को आदेश नभएसम्मका लागि कर्फ्यु लगाइएको हो ।

प्रमुख जिल्ला अधिकारी सुरेन्द्र पौडेलद्वारा जारी सूचना अनुसार, जिल्ला सुरक्षा समितिको निर्णयका आधारमा स्थानीय प्रशासन ऐन, २०२८ को दफा ६(क) बमोजिम यो आदेश जारी गरिएको हो ।

प्रशासनले गोलबजार नगरपालिकाका पूर्व–पश्चिम राजमार्ग अन्तर्गत गोलबजार नगरपालिका वडा नं. ३ को कसहा खोला, गोलबजार नगरपालिका वडा नं. ४ को चोहर्वा चोक, गोलबजार नगरपालिका वडा नं. ६ को सैनिक चोक र गोलबजार नगरपालिका वडा नं. ४ स्थित रा. प्र. रा. प. बहुमुखी क्याम्पस वरपरको क्षेत्रमा अनिश्चितकालीन कर्फ्यु आदेश जारी गरेको हो ।