काठमाडौं– राष्ट्रिय धान दिवस तथा रोपाई महोत्सव चितवनमा पनि मनाइएको छ ।  

असार १५ का दिन कतै सामुहिक रूपमा रोपाई गरिएको छ भने मेसिन वाट धान रोपाई गरिएको छ ।

धान दिवसलाई विशेष बनाउन हिले डौड डोरी तानातान खेल र हिलो समेत खेलिएको थियो ।

मानो रोपेर मुरी उब्जाउने दिनको रूपमा असार १५ लाई लिने गरिन्छ । चितवनमा हाल सम्म ५ प्रतिशत मात्र रोपाई भएको कृषि ज्ञान केन्द्रले जनाएको छ । पानीले बीउ बिग्रे पछि धान रोपाइँमा ढिलो भएको चितवन फुलवारीका किसान चन्द्र प्रसाद अधिकारीले बताए । 

नेपालमा४१ हजार ३१ हजार कृषक घरधुरी मध्य २७ लाख ६५ हजार धान खेतीमा आबद्ध रहेका छन् ।

कृषिलाई आधुनिकीकरण गर्दै लैजाने लक्ष्य सरकारको भए पनि पर्याप्त कृषि उपकरण किसानसँग नहुँदा मानिसको भरमा नै रोपाई गर्नु पर्ने अवस्था छ ।  चितवनमा मेसिनबाट धान रोप्ने चलन बढ्दै गएको छ ।

चितवनमा १३ वटा मात्र धान रोप्ने मेसिन रहेको राष्ट्रिय कृषि आधुनिकीकरण कार्यक्रम , कार्यक्रम कार्यान्वयन एकाइ चितवनले जनाएको छ ।