काठमाडौं– राष्ट्रिय स्वतन्त्र पार्टी (रास्वपा)का सांसदहरूले सरकारले ल्याएको बजेट जनताको आकाङ्क्षालाई पुरा गर्ने गरी आएको बताएका छन् ।

शुक्रबार बजेट आएपछि सञ्चारकर्मीसँग कुरा गर्दै रास्वपा प्रवक्ता मनिष झाले सुशासन कायमका साथै जनताको आकाङ्क्षालाई पुरा गर्ने गरी बजेट आएको बताए । 

उनले मुलुकलाई डिजिटल युगमा प्रवेश गराउने गरी आएको कार्यक्रम निकै महत्त्वपूर्ण रहेको उल्लेख गरे । सरकारको बजेटले आफूहरू उत्साहित भएको उनको भनाइ छ ।

त्यस्तै रास्वपा सांसद इन्दिरा राणाले तीन तहको सरकारको समन्वयमार्फत बजेटको कार्यान्वयन गर्नुपर्नेमा  जोड दिइन् ।

उनले बजेटमा रहेका विषयहरू देश र जनताको विकासलाई अघि बढाउने गरी बजेट आएको धारणा राखिन् ।

त्यस्तै अन्य रास्वपा सांसदहरूले पनि सरकारले ल्याएको बजेट निकै सकारात्मक रहेको उल्लेख गरेका छन् ।