काठमाडौं– यस वर्षको मनसुन अगावै पोखराका विभिन्न स्थानमा जमिन भासिन थालेको छ ।

शुक्रबार बिहान २ बजेतिर पोखरा महानगरपालिका वडा नं. ३ को नदीपुर क्षेत्रमा सडकसँगै एउटा घरको आँगन र घरको भाग भासिएको छ ।

बिहानको समयमा अचानक जमिन भासिएर करिब १० मिटर जति  भ्वाङ परेकोले त्यस  क्षेत्रमा पोखराका लागि खानेपानी वितरणका लागी बिछ्याएको पाइपसमेत फुटेको हुँदा अझै खतरा बढेको स्थानीयको भनाई छ । सो क्षत्रमा पटक पटक जमिन भासिने गर्दा स्थानीयहरू चिन्तित बनेका छन् ।

जमिन भासिएको क्षेत्रको कास्कीका प्रमुख जिल्ला अधिकारी रुद्रादेबी शर्माले अवलोकन गर्दै उक्त क्षेत्रमा थप क्षति हुन र विपद् जोखिम बढ्न सक्ने हुँदा आवश्यकता अनुसार प्राविधिकसँग सल्लाह गरी सो क्षेत्रलाई सुरक्षित  बनाउनका लागी सम्बन्धित वडाका जनप्रतिनिधिहरूलाई सुझाव दिएकी छन् ।