काठमाडौं – आईपीएल २०२६ को ३९औँ खेलमा रोयल च्यालेन्जर्स बेंगलुरुले दिल्ली क्यापिटल्सलाई ७५ रनमै अलआउट गरेको छ ।

अरुण जेटली स्टेडियम मा टस जितेर पहिले बलिङ रोजेको बेंगलुरुले सुरुवातदेखि नै दिल्लीमाथि दबाब बनाएको थियो ।

दिल्लीले मात्र ८ रनमै ६ विकेट गुमाएको थियो। त्यसपछि अभिषेक पोरेलले ३० रन बनाए पनि उनलाई अर्को छेउबाट साथ मिलेन । अन्ततः दिल्ली १६.३ ओभरमा ७५ रनमै समेटियो । अब बैंगलोरलाई जितका लागि ७६ रन आवश्यक छ ।

बैंगलोरका लागि जोश हेजलवुड ले ४ विकेट लिए । उनले केएल राहुल, समीर रिजवी, नितीश राणा र अभिषेक पोरेललाई आउट गरे। त्यस्तै भुवनेश्वर कुमार ले ३ विकेट लिए, जसमा साहिल परख, ट्रिस्टन स्टब्स र अक्षर पटेल परे ।

साथै रसिख सलाम दार, क्रुणाल पाण्ड्या र सुयश शर्माले समान १–१ विकेट लिए।