काठमाडौं – साना ठुला गरेर करिब दुई दर्जन पार्टीसँग मिलेर नेपाली कम्युनिस्ट पार्टी (नेकपा) बनाएका संयोजक पुष्पकमल दाहाल ‘प्रचण्ड’ अझै पार्टी समायोजनमा व्यस्त छन् ।

मंगलबार मात्र प्रचण्डले पेरिसडाँडामा पार्टी समायोजनका लागि मात्र तीन कार्यक्रम राखेका छन् । प्रचण्डको निजी सचिवालयका अनुसार दिउँसो १ बजेदेखि दुई बजेसम्म प्रचण्डले विभिन्न समूह र पार्टीलाई नेकपामा समायोजन गर्दैछन् ।

नेत्रविक्रम चन्द ‘⁠विप्लव’ नेतृत्वको पार्टीबाट विद्रोह गरी केन्द्रीय सदस्यसहितका नेतालाई दिउँसो १ बजे पार्टी प्रवेश गराउने कार्यक्रम पेरिसडाँडामा हुँदैछ ।

दिउँसो १ः३० बजे प्रचण्डले मोहन वैद्य ‘किरण नेतृत्वबाट विद्रोह गरेको एक समूहलाई नेकपामा समायोजन गर्नेछन् भने दिउँसो २ बजे चुरे भावर पार्टी नेकपामा समायोजन हुने कार्यक्रम रहेको छ ।

तीन वटै कार्यक्रम नेकपा केन्द्रीय कार्यालय पेरिसडाँडामा हुँदैछन् ।