काठमाडौं– हिरासतमा रहेका पूर्वप्रधानन्यायाधीश चोलेन्द्र शमशेर जबरालाई भेट्न गएको राष्ट्रिय मानव अधिकार आयोगको टोलीलाई अपराध अनुसन्धान कार्यालय, टेकुले प्रवेश नदिएको छ ।
आयोगका सदस्य मनोज दुवाडीसहित तीन सदस्यीय टोली आइतबार जबरालाई भेट्न टेकुस्थित अपराध अनुसन्धान कार्यालय पुगेको थियो ।
तर कार्यालयले टोलीलाई भित्र प्रवेश गर्न अनुमति नदिएपछि उनीहरू गेटमै करिब ४५ मिनेट कुर्नुपरेको थियो ।
लामो समयसम्म प्रवेशको अनुमति नपाएपछि आयोगको टोली जबरालाई नभेटी कार्यालयबाट फर्किएको हो ।
जबरालाई हिरासतमा राखिएको अवस्थाबारे अनुगमन तथा मानव अधिकारको अवस्थाबारे जानकारी लिन आयोगको टोली त्यहाँ पुगेको थियो ।
प्रतिक्रिया