काठमाडौँ – जल तथा मौसम विज्ञान विभागका अनुसार पछिल्लो २४ घण्टामा चितवनको माडी कल्याणपुर मौसम मापन केन्द्रमा सबैभन्दा बढी २२२.४ मिलिमिटर वर्षा रेकर्ड भएको छ।
विभागका अनुसार मधेस, गण्डकी, लुम्बिनी, बागमती र सुदूरपश्चिम प्रदेशका केही स्थानमा भारीदेखि धेरै भारी वर्षा भएको छ। यस्तै, कोशी र कर्णाली प्रदेशका धेरैजसो स्थानमा हल्कादेखि मध्यम वर्षा भएको छ।
निरन्तरको भारी वर्षाका कारण नदी तथा खोलाहरूमा बहाव बढ्ने, पहिरो जाने र डुबानको जोखिम उच्च रहने भएकाले जल तथा मौसम विज्ञान विभागले सर्वसाधारण तथा सरोकारवाला निकायलाई उच्च सतर्कता अपनाउन आग्रह गरेको छ।
प्रतिक्रिया