काठमाडौं – रसुवास्थित भोटेकोशीमा आएको विनाशकारी बाढीबाट पीडितलाई राहत वितरण गर्न सेलिब्रिटीहरू सक्रिय भएका छन् ।

सरकारले बाढी पीडितका लागि स्थापन गरेको प्रधानमन्त्री राहत कोषमा पैसा पठाइ उनीहरू राहत कार्यमा सहभागी भएका हुन् । केही कलाकारले पैसा पठाएको भौचर राखी अरुलाई पनि सहयोगको अपिल गरेका छन् ।

केही कलाकारले भने अपिल मात्र गरी राहत कार्यकमा ऐक्यवद्धता जनाएका छन् ।

कलाकार जोडी हरिवंश आचार्य र मदनकृष्ण श्रेष्ठले जनही एक-एक लाख सहयोग गरेका छन् ।

त्यस्तै, गायिका एलिना चौहानलै २५ हजार सहयोग गरेकी छन् । त्यस्तै, गायिका रचना रिमालले १ लाख सहयोग गरेकी छन् । मानवीय संवेदनको ख्याल राख्दै उनले आफ्ना सांगीतिक प्रस्तुती दिने कार्यक्रम पनि हाललाई रोकेकी छन् ।

नायिका नीता ढुंगानाले पनि एक लाख सहयोग गरेकी छन् ।

नायक अनमोल केसी, नायिकाहरू केकी अधिकारी, ऋचा शर्मालगायतले प्रधानमन्त्री राहत कोषको बैंक खाताका क्यूआर कोड सेयर गरी सहयोगका लागि आग्रह गरेका छन् ।