काठमाडौं- नेकपा र एमालेबीच सातै प्रदेशमा सत्ता सहकार्य भएको विषय सचिवालयलाई जानकारी नदिएको भन्दै नेताहरु असन्तुष्ट छन्। पार्टी सचिवालयको ग्रुपमा नेताहरूले असन्तुष्टि पोखेपछि ओलीलाई केही शीर्ष नेताहरुले भेट्न लागेको बताइएको छ ।

कोशी प्रदेशका मुख्यमन्त्री हिक्मतकुमार कार्की कर्णालीबाट राजीनामा दिएका मुख्यमन्त्री यामलाल कडेल लगायतका नेताहरुले निरन्तर असन्तुष्टि जनाएपछि शीर्ष नेताहरुले ओलीलाई भेटेर छलफल गर्न लागेका हुन् ।

ओलीको सचिवालयले दिएको जानकारी अनुसार आज ओलीलाई भेट्न एमालेका शीर्ष नेताहरू गुण्डु जाने कार्यसूची छ। सचिवालयले दिएको जानकारी अनुसार ओलीलाई भेट्न उपाध्यक्ष विष्णु पौडेल महासचिव शंकर पोखरेल सहित अरु नेताहरु पनि सहभागी हुन सक्ने बताइन्छ ।

भेटमा सत्ता सहकार्य सँगै एमालेले सातै प्रदेशमा गरेको सुझाव संकलन कार्यदलको प्रतिवेदनका विषयमा पनि छलफल हुनेछ ।