सुनसरी- स्थानीय प्रशासनले लगाएको कर्फ्युबीच पनि सुनसरीमा सर्वसाधारणको घरमा आगजनी र तोडफोड भएको छ।

देवानगञ्जको कप्तानगञ्ज टोलमा प्रदर्शनमा उत्रिएका एउटा समूहले जनप्रतिनिधिसहित सर्वसाधारणको घरमा पनि आगजनी गरेका हुन् ।

कर्फ्यु लगाउँदा पनि अवस्था नियन्त्रणबाहिर गएपछि कप्तानगञ्जस्थित स्थानीयको घरमा आगजनी र तोडफोड भएको हो । आइतबार राति देवानगञ्जमा भएको घटनाको विरोधमा गाउँगाउँमा प्रदर्शन भइरहेको छ।

प्रदर्शनकारीको एउटा समूहले देवानगञ्ज गाउँपालिका वडा नम्बर-३ स्थित वडाध्यक्ष अनिल भगतको घरमा तोडफोड र आगजनी गरेका छन् । अन्य केही सर्वसाधारणको घरमा पनि तोडफोड भएको छ।

प्रदर्शनकारीहरूले सडकमा निस्किएका अटोरिक्सा र भ्यानहरूमाथि पनि तोडफोड गरेर क्षतिग्रस्त बनाइदिएका छन् ।