काठमाडौं- राष्ट्रिय स्वतन्त्र पार्टीको ६ दिनदेखि चितवनमा जारी पहिलो महाधिवेशनको भद्रगोल पदाधिकारीको निर्वाचनसम्मै जारी छ।

शुक्रबार पदाधिकारीको मतदान हुँदा सभापति रवि लामिछाने मतदान गर्ने नआएको खुलेको छ।

पदाधिकारीका लागि १२ सय ८९ मत खस्दा सभापति लामिछाने मतदानका लागि महाधिवेशनस्थलमै आएनन्।

यसअघि वरिष्ठ नेता वालेन्द्र शाह पनि १० असारमा महाविधेशन अन्तर्गत निर्वाचन कार्यक्रम नै नभई काठमाडौं फर्किएका थिए।

गत ७ असारमा श्रीमती र सानी छोरीसहित चितवन पुगेका उनी असार १० मा निर्वाचन नै नभएको अवस्थामा काठमाडौं फर्किएका थिए।

बालेन र रविले ७ असारमा महाधिवेशनको उद्घाटन सत्रलाई सम्बोधन गरेका थिए । त्यसपछि बालेन घुमघाममा रमाए।

असार ९ गते साँझ महाविधेशनको बन्दसत्रमा करिब डेढ घण्टा मात्रे बसेका उनी सभापतिमा रवि लामिछानेको प्रस्तावक बसेर हिँडेका थिए ।