काठमाडौं – इन्डियन प्रिमियर लिग २०२६ क्वालिफायर–१ अन्तर्गत आज भइरहेको महत्त्वपूर्ण खेलमा रोयल च्यालेन्जर्स बेङ्गलुरुले एकै ओभरमा दुइै विकेट गुमाएको छ । धर्मशालास्थित एचपिसिए स्टेडियममा गुजरात टाइटन्सका कप्तान शुभमन गिलले टस जितेर पहिले बलिङ गर्ने निर्णय गरेका हुन् ।

रोयल च्यालेन्जर्स बेङ्गलुरुले ९ ओभरको समाप्तिमा ३ विकेट गुमाएर ९६ रन बनाएको छ। विराट कोहली र देवदत्त पडिक्कललाई आरसिबीले एकै ओभरमा गुमाएको हो । ९ औं ओभरमा विराट ४३ र देवदत्त ३० रन बनाएर आउट भए ।

यसअघि आक्रामक ब्याटिङ गरेका वेङ्कटेश अय्यर १९ रन बनाएर आउट भए । उनलाई तीव्र गतिका बलर कागिसो रबाडाले कप्तान शुभमन गिलबाट क्याच गराउँदै पेभिलियन फर्काएका थिए। अय्यरले केवल ७ बलमा तीव्र रन बनाउँदै टोलीलाई शानदार सुरुआत दिलाएका थिए ।