काठमाडौँ- नेकपा बहुमतका महासचिव धर्मेन्द्र बास्तोला र दुर्गा प्रसाईँ नेतृत्वको राष्ट्र, राष्ट्रियता, धर्म, संस्कृति नागरिक बचाउ महाअभियानका सुनिल प्रसाद साह (एसपी साह) रिहा भएका छन् ।

अदालतको आदेशअनुसार उनीहरूलाई रिहा गरिएको जिल्ला प्रहरी परिसर काठमाडौँका एसपी पवन भट्टराईले जानकारी दिए ।

उनीहरू दुवै जना फागुन ५ मा पक्राउ परेका थिए । धर्मेन्द्र बास्तोलालाई सर्वोच्च अदालत र एस।पी शाहलाई उच्च अदालत पाटनले थुनामुक्त गर्न आदेश गरेको थियो ।

बास्तोलालाई निर्वाचिन भाँड्ने गतिविधि गरेको आरोपमा प्रहरीले पक्राउ गरेको थियो भने साहलाई प्रसाईँ पक्राउको विरोधमा देशभर सार्वजनिक सवारीमा आगजनी गर्न समर्थकलाई निर्देशन दिएको आरोपमा पक्राउ परेका थिए ।

प्रसाईँ यसअघि नै रिहा भइसकेका छन् ।