काठमाडौं- नेकपा (एमाले) का उपाध्यक्ष विष्णु पौडेललाई थुनामुक्त गर्न माग गर्दै दायर गरिएको बन्दी प्रत्यक्षीकरण रिटमा सर्वोच्च अदालतले कारण देखाऊ आदेश जारी गरेको छ। यससँगै पौडेललाई हिरासतमै राखेर अनुसन्धान गर्ने बाटो सरकारलाई खुला भएको छ।

सर्वोच्च अदालतका न्यायाधीश श्रीकान्त पौडेलको एकल इजलासले बिहीबार सुनुवाइ गर्दै सकारका नाममा पक्राउ गर्नु कारण खुलाउने आदेश भएको हो।

सम्पत्ति शुद्धीकरण अनुसन्धान विभागको पत्रअनुसार प्रहरीले सोमबार पौडेललाई सुर्खेतको शुभ होटलबाट पक्राउ गरी माइक्रो बसमा हालेर काठमाडौं ल्याएको थियो।

पौडेललाई पक्राउ गर्नुपर्ने पर्याप्त कानुनी आधार नभएको जिकिर गर्दै रिट परेको थियो । उक्त रिट उनकी श्रीमतीले हालेकी थिइन् ।

थुना बाहिरै बसेर मुद्दाको पुर्पक्ष गर्न पाउनुपर्ने माग रिट निवेदनमा उल्लेख गरिए पनि सर्वोच्चले सरकारका लागि अनुसन्धानको बाटो खोलिदिएको हो ।

पौडेललाई पक्राउ गर्न आदेश दिने विपक्षी निकाय सम्पत्ति शुद्धीकरण अनुसन्धान विभागसँग पक्राउ गर्नु पर्नाको लिखित कारण दिन पनि सर्वोच्चले भनेको छ।

उक्त कारणसहितको लिखित जवाफ आएपछि अर्को पेशीमा आवश्यक निर्णय लिने तयारी सर्वोच्चले गरेको ।