पाँचथर– उज्यालो नेपाल पार्टीका अध्यक्ष कुलमान घिसिङले देशमा दिगो विकास, सुशासन र समृद्धिका लागि स्पष्ट कार्ययोजना अघि सारका छन् । पाँचथरको इलाममा भएको चुनावी सभालाई सम्बोधन गर्दै उनले ऊर्जा क्षेत्रमा आफ्नो नेतृत्वमा हासिल भएको सफलता स्मरण गर्दै अब समग्र राष्ट्रलाई उज्यालो भविष्यतर्फ लैजाने प्रतिबद्धता व्यक्त गरे ।

उनले अहिलेको जेनजी (जेनेरेसन–जेड) पुस्ताले नेतृत्व सम्हाल्नुपर्ने समय आएको उल्लेख गर्दै आफू युवापुस्ताको भावना, सोच र ऊर्जालाई प्रतिनिधित्व गर्ने नेतृत्वका रूपमा अघि बढिरहेको बताए ।

उनले भने, ‘हामीले काम गरेर देखाएका छौँ, अब देश बदल्ने जिम्मा जनताले दिनुपर्छ ।’

उनले युवाशक्ति, पारदर्शिता र भ्रष्टाचारविरुद्धको दृढ अडान नै आफ्नो पार्टीको मुख्य आधार भएको उल्लेख गर्दै परिवर्तन चाहने सबैलाई एकजुट हुन आह्वान गरे । साथै पाँचथर लगायत कोशी प्रदेशका आफ्ना पार्टीका उम्मेदवारहरूलाई विजयी गराउन मतदातासमक्ष आग्रह गरे