झापा– नेकपा एमालेका अध्यक्ष केपी शर्मा ओलीले आज झापा निर्वाचन क्षेत्रको दमक र  दक्षिणी क्षेत्र गौरीगञ्जका मतदातासँगको भेटघाट गर्दै छन् । ओलीले बिहान साढे ९ बजे दमक– ९ को चिया दोकानमा मतदातासँग भेटघाट गर्दैछन् ।

पार्टीका झापा जिल्ला सचिव तुलसी कार्कीले अध्यक्ष ओली आज मुख्यरूपमा गौरीगञ्जमा केन्द्रित हुने बताए । ओलीले गौरीगञ्जमा करिब ७ घण्टामा १२ वटा टोलका मतदातालाई भेटघाट गर्दै छन् ।

कार्कीका अनुसार बिहान ११ बजे देखि सुरु हुने गौरीगञ्जको कार्यक्रम अपरान्ह ५ बजे सकिनेछ । यसबीचमा उनले गौरीगञ्ज– ५ को शैँय्या टोल, हरिरा, माथिल्लो दिनाभद्री, अल्ताबारी, दुर्गा मन्दिर, नयाँ बजारका मतदातासँग भेटघाट र अन्तरक्रिया गर्नेछन् । यस्तै, बाह्रशुद्धी, लतिझुला, भवानीपुर र हुक्कागाछीमा मतदाता भेटघाट कार्यक्रम रहेको छ ।

कार्कीका अनुसार गौरीगञ्ज– ३ मा बगुवातेलकानी, ठेकीटोला र तेलकानी टोलहरूमा मतदातासँग भेटघाट राखिएको  छ ।

यसअघि पनि सो क्षेत्रका मतदातासँग भेटघाट गरेका ओलीले आज पनि सो क्षेत्रका समस्या र मतदाताका गुनासा सुन्ने र समाधानका लागि प्रतिवद्धता जनाउने छन् ।