काठमाडौं– राष्ट्रिय स्वतन्त्र पार्टीका सभापति रवि लामिछानेले ०४६ साल पछिका सबै काण्डको छानबिन हुने बताएका छन् । मंगलबार इटहरीमा आयोजित चुनावी सभालाई सम्बोधन गर्दै लामिछानेले सो बताएका हुन् ।

‘०४६ साल पछिका सबै काण्डको छानबिन हुन्छ, प्रतिशोध हुँदैन, हिसाब हुन्छ’, उनले भने, जतिपनि लघुवित्त सहकारी लगायतका समाधान निकाल्न नसकेर, आरोपमाथि आरोप लगाएर, यसलाई समस्याग्रस्त बनाएर राख्ने तर, समाधान नगर्नेहरूलाई म यहीँबाट भन्न चाहन्छु, रवि लामिछानेलाई थुन्न बाहेक कुनै मान्छेलाई एक रुपैयाँ फिर्ता पायो ?’

उनले रास्वपाको सरकारले सय दिनभित्र साना बचतकर्ताको रकम फिर्ता गर्न सुरु गर्ने बताए । साथै, उनले भूमिहीन सुकुम्बासीको दीर्घकालीन समस्या समाधान गर्ने पनि बताए ।