ताप्लेजुङको दोभानमा भीषण आगलागी, करिब १० घर जले

८ आश्विन २०८३, बिहिबार

पढ्न लाग्ने समय : < 1 मिनेट

ताप्लेजुङ- ताप्लेजुङको मेरिङदेन गाउँपालिका–३ दोभानमा भीषण आगलागी हुँदा करिब १० घर जलेका छन्।

करिब ५० घरधुरी रहेको बाक्लो बस्तीमा आज लागेको आगो नियन्त्रणका लागि सशस्त्र प्रहरी बल नेपाल नं. १ कञ्चनजङ्घा गुल्मबाट सुरक्षाकर्मी परिचालन गरिएको छ।

आगलागीको कारण भने अहिलेसम्म खुल्न नसकेको सशस्त्र प्रहरी बल नेपालका सहप्रवक्ता डीएसपी शैलेन्द्र थापाले जानकारी दिए ।

आगो नियन्त्रणमा लिन सुरक्षाकर्मी तथा स्थानीयवासी परिचालन भएका छन्। आगलागीबाट भएको क्षतिको थप विवरण आउन बाँकी छ।

प्रकाशित मिति : ८ आश्विन २०८३, बिहिबार ३ : ०० बजे

प्रतिक्रिया