काठमाडौं – भूमिहीन दलित–सुकुमवासी र अव्यवस्थित बसोवासीलाई बस्तीबाट हटाउने सरकारको निर्णय विरुद्ध र्याली हुने भएको छ । शुक्रबार विहान १० बजे थापाथलीवस्ती हुँदै माइतीघर मण्डलसम्म र्याली आयोजना गरिएको हो ।
सरकारले थापाथली, शंखमुल, शान्तिनगर र मनोहरा क्षेत्रका बस्ती खाली गराउन बिहीबार साँझदेखि माइकिङ सुरु गरेको छ । वैशाख १२ गते विहानदेखि डोजर लगाउने सरकारको तयारी देखिन्छ ।
प्रधानमन्त्री बालेन्द्र शाहले वैशाख ९ गते सुरक्षा निकायका प्रमुखहरूलाई बोलाएर सुकुमबासी बस्ती खाली गराउने निर्देशन दिएका थिए । देशभरी करिब १२ लाख भूमिहीन दलित, भूमिहीन सुकुमवासी र अव्यवस्थित बसोवासी छन् ।
प्रतिक्रिया