काठमाडौं – राष्ट्रिय स्वतन्त्र पार्टी (रास्वपा) का नेता बालेन शाहले आफ्नो चुनावी घोषणापत्र सार्वजनिक गरेका छन् । झापा क्षेत्र नं. ५ बाट उम्मेदवार रहेका शाहले आफ्नो घोषणापत्रलाई ‘झापा–५ वाचापत्र’ नाम दिएका छन् । उनले सङ्घीय सांसदको हैसियतले गर्ने काम उक्त वाचापत्रमा समेटेका छन् ।

‘मेरो प्रतिबद्धता’ अन्तर्गत उनले शिक्षा, पूर्वाधार, कृषि तथा रोजगारी, महिला तथा बालबालिका र पर्यटन तथा उद्योग क्षेत्रमा गर्न चाहेका योजनारू उल्लेख गरेका छन् । खेलकुद, स्वास्थ्य, भूमि व्यवस्थापन, वातावरण, सुशासन र कला एवं संस्कृतिका क्षेत्रमा आफूले गर्ने कार्य उनले बुँदागत रूपमा वाचापत्रमा प्रस्तुत गरेका छन् ।

“स्थानीय तथा प्रदेश सरकारलाई संवैधानिक अधिकारको प्रत्यायोजन सुनिश्चित गर्न महत्त्वपूर्ण भूमिका निर्वाह गर्नेछु,” वाचापत्रमा उनले लेखेका छन् । राष्ट्रिय स्वतन्त्र पार्टीको सरकार गठन भएमा स्थानीय, प्रदेश र सङ्घीय सरकारको समन्वय तथा सहकार्यमार्फत वाचापत्रमा उल्लिखित कामहरू पाँच वर्षभित्र सम्पन्न गर्ने प्रतिबद्धता उनले जनाएका छन् ।

उनले आफूले राजनीतिलाई पेसा नभई सेवाका रूपमा लिने स्पष्ट पारेका छन् । बेथिति र भ्रष्टाचारविरुद्ध संसद्को अग्रपङ्क्तिमा उभिने अठोट व्यक्त गर्दै उनले भनेका छन्, “राष्ट्रहित विपरीत कुनै पनि सम्झौता गर्ने छैन, सार्वजनिक सेवालाई चुस्तदुरुस्त बनाउन प्रभावकारी भूमिका निर्वाह गर्नेछु ।”

यी हुन् प्रमुख बुँदा

पूर्वाधार
स्वास्थ्य
कृषि तथा रोजगारी
भूमि व्यवस्थापन
वातावरण
महिला तथा बालबालिका
पर्यटन तथा उद्योग
सुशासन
शिक्षा
कला, संस्कृति र खेलकुद