एजेन्सी– संयुक्त राज्य अमेरिका र साउदी अरबले साउदीमा गैरसैनिक आणविक कार्यक्रम स्थापना गर्ने ऐतिहासिक सम्झौता घोषणा गरेका छन्।
अमेरिकी राष्ट्रपति डोनाल्ड ट्रम्पले भने सम्झौता साउदी अरबले इजरायलसँग सम्बन्ध सामान्यीकरण गरेपछि मात्र कार्यान्वयन हुने बताएका छन्।
सम्झौताले अमेरिकी कम्पनीहरूलाई ठूलो व्यापारिक अवसर दिने अपेक्षा गरिएको छ। तर आलोचकहरूले यसले क्षेत्रीय आणविक हतियार दौडको जोखिम बढाउन सक्ने चिन्ता व्यक्त गरेका छन्।
अमेरिकी विदेशमन्त्री मार्को रुबियोले सम्झौतामा आणविक प्रविधि हतियारमा रूपान्तरण हुन नदिन कडा सुरक्षा प्रावधान रहने बताएका छन्।
सम्झौता अब अमेरिकी कांग्रेसको समीक्षाका लागि पेश गरिनेछ।
प्रतिक्रिया