काठमाडौं – आईपीएल २०२६ अन्तर्गतको ६६औँ खेलमा गुजरात टाइटन्स र चेन्नई सुपर किंग्सबीच रोमाञ्चक प्रतिस्पर्धा भइरहेको छ । अहमदाबादस्थित नरेन्द्र मोदी स्टेडियममा चेन्नई सुपर किंग्सले टस जित्दै पहिले बलिङ गर्ने निर्णय गरेको हो ।

पहिलो ब्याटिङ गरेको गुजरात टाइटन्सले उत्कृष्ट सुरुवात गर्दै ९ ओभरको समाप्तिसम्म कुनै विकेट नगुमाई ९६ रन बनाएको छ । गुजरातका कप्तान शुभमन गिल र साई सुदर्शन क्रीजमा छन् । कप्तान गिलले आफ्नो अर्धशतक पूरा गरिसकेका छन् र आक्रामक ब्याटिङ गरिरहेका छन् ।

खेलको क्रममा चेन्नई सुपर किंग्सलाई भने चोटका कारण झट्का लागेको छ । टोलीका विकेटकिपर–ब्याट्सम्यान संजू स्यामसन चोटका कारण मैदान छोडेर बाहिरिएका छन् । उनको अवस्थाबारे थप जानकारी आउन बाँकी छ ।

यस खेलका लागि दुवै टोलीले बलियो प्लेइङ–११ मैदानमा उतारेका छन् । गुजरात टाइटन्समा शुभमन गिल (कप्तान), साई सुदर्शन, जोस बटलर (विकेटकिपर_, वाशिङ्टन सुन्दर, निशान्त सिन्धु, जेसन होल्डर, राशिद खान, राहुल तेवतिया, अरशद खान, कागिसो रबाडा र मोहम्मद सिराज रहेका छन् ।

त्यसैगरी चेन्नई सुपर किंग्समा ऋतुराज गायकवाड (कप्तान), संजू स्यामसन (विकेटकिपर), उर्विल पटेल, डेवाल्ड ब्रेभिस, शिवम दुबे, मैथ्यू शर्ट, अंशुल कम्बोज, नूर अहमद, स्पेन्सर जोनसन, मुकेश चौधरी र गुरजपनीत सिंह रहेका छन् ।