काठमाडौं– प्रतिपक्षी दलहरूको अवरोधपछि प्रतिनिधिसभाको बैठक १५ मिनेटका लागि स्थगित गरिएको छ ।

बैठक सुरु भएलगत्तै प्रतिपक्षी सांसदहरूले प्रधानमन्त्रीको उपस्थितिको माग गर्दै नाराबाजी गरेका थिए । उनीहरूले प्रधानमन्त्री सदनमा उपस्थित भएर जवाफ दिनुपर्ने अडान राखेपछि बैठक प्रभावित बनेको हो ।

प्रतिपक्षले बालेन्द्र शाह प्रतिनिधिसभा बैठकमा उपस्थित हुने ग्यारेन्टी माग गर्दै सदन चल्न नदिने चेतावनी दिएका थिए । त्यसपछि सभामुखले बैठक अगाडि बढाउन नसकेर १५ मिनेटका लागि स्थगित गरेका हुन् ।

श्रम संस्कृति पार्टी, नेकपा एमाले, नेपाली कांग्रेस, राष्ट्रिय प्रजातन्त्र पार्टी तथा नेपाल कम्युनिस्ट पार्टीलगायत विपक्षी दलका सांसदहरूले प्रधानमन्त्रीबाट स्पष्ट जवाफ आउनुपर्ने माग गरेका छन् ।