काठमाडौं- नेकपा एमालेका अध्यक्ष केपी शर्मा ओलीले विश्लेषक भरत दाहालको आइतबार मोरङबाट भएको गिरफ्तारीलाई वालेन्द्र शाह नेतृत्वको सरकारको फासीवादतिरको यात्रा भनेका छन्।

ललितपुरको भनिमण्डलस्थित पार्टी प्यालेसमा सोमबारदेखि सुरू भएको केन्द्रीय कमिटी बैठकलाई उद्घाटन सम्बोधन गर्दै ओलीले यस्तो भनेका हुन् ।

विश्लेषक दाहालको गिरफ्तारीको विषय उठाउँदै ओलीले उनको गिरफ्तारीलाई ‘फासीवादतिरको यात्रा’ भएको टिप्पणी गरे ।

‘भरत दाहालले बम पड्काएका थिए ? गोली चलाएका थिए ? उनी अलिक अगाडिदेखि बोलिरहेका थिए,’ उनले भने, ‘विश्लेषकका कुरा कहिले मिल्छन्, कहिले हावादारी पनि हुन्छन् । त बोले भन्दैमा पक्रिनु यो सरकारको फासीवादी चरित्र हो, यो निन्दनीय छ।’