काठमाडौं– भदौको सुरूआतसँगै बजारमा हरितालिका तीजको माहौल देखिन थालेको छ । तीजका लागि किनमेल गर्नेको चहलपहल बढेको छ ।
महिलालाई उद्यमशीलता र स्वरोजगारतर्फ प्रेरित गर्ने उद्देश्यले काठमाडौँमा २३औँ तीज फेस्टिभल तथा ‘सृजनशील उद्यमी मेला २०८३’ सुरू भएको छ ।
महिला श्रृजनशील केन्द्रको आयोजना र राइजिङ नेपाल प्रा.लि (इभेन्ट संसार)को व्यवस्थापनमा बालुवाटारमा शुक्रबारदेखि तीज मेला सुरू भएको हो ।
मेलामा देशभरका एक सयभन्दा बढी महिला उद्यमीका उत्पादन प्रदर्शनी तथा बिक्रीका लागि राखिएका छन् ।
तीजमा आवश्यक परम्परागत पहिरन (साडी, कुर्ती), हस्तकलाका सामान, पोते तथा गहना, पस्मिना, गृह सजावटका सामग्री र विभिन्न स्वादिष्ट परिकार पनि प्रदर्शनी तथा बिक्रीमा राखिएको छ ।
व्यापारिक प्रदर्शनीका साथै महिलाहरूका लागि तीज गीत, नृत्य र सांस्कृतिक कार्यक्रमको पनि हुन्छ ।
मेला बिहान १० बजेदेखि साँझ ६ बजेसम्म सञ्चालन हुनेछ । मेला बालुवाटारस्थित आम्रपाली बैंक्वेटमा आइतबारसम्म जारी रहनेछ ।
तस्बिर : सुर्याम्स उप्रेती/नेपाल फोटो लाइब्रेरी
प्रतिक्रिया