काठमाडौँ । गायक तथा सारंगीवादक हेमन्तकान्छा रसाइलीले लोक लयमा आधारित चौतारीमा बोलको गीतको भिडियो सार्वजनिक गरेका छन् ।

गायक हेमन्त र गायिका रचना रिमालको स्वर रहेको सार्वजनिक गीतमा राजकुमार बगरको शब्द तथा गायक स्वयमकै संगीत तथा एरेन्ज रहेको छ ।

एक प्रेमील जोडीको रोमान्टिक प्रेम कहानी बोल्ने रमाइलो कथालाई गायक रसाइलीले भिडियोमा उतारेका छन् ।

जसमा गायक रसाइलीसँगै गायिका रचना पनि भिडियोमा देखिएकी छिन् । भिडियोमा रचना र हेमन्त दुवै खुलेका छन् ।

हेमन्तको अहिलेसम्मकै भिन्न शैलीमा तयार पारिएको गीतको निर्देशन पनि उनैले गरेका हुन् ।

करन चैसीरको कोरियोग्राफी रहेको गीतको सम्पादन र कलर मिराज अर्यालले गरेका हुन् ।

कमल खड्काको छायांकन रहेको भिडियो हेमन्त कान्छा रसाइली अफिसियलबाट बजारमा आएको हो ।