दमक– नेपाली कांग्रेस दमक नगर सभापति प्रकाश प्रसाईंले पार्टीको पद र क्रियाशील सदस्यता परित्याग गरेको घोषणा गरेका छन्।

प्रसाईंले मंगलबारदेखि कांग्रेस दमक नगर सभापतिको जिम्मेवारी तथा पार्टीको क्रियाशील सदस्यता छोड्ने औपचारिक निर्णय सार्वजनिक गरेका हुन्।

उनले अब आफ्नो राजनीतिक यात्रा पद, कुर्सी वा झण्डाभन्दा परिवर्तन केन्द्रित हुने बताएका छन्।

उनले आफ्नो निर्वाचन क्षेत्र झापा–५ बाट राष्ट्रिय स्वतन्त्र पार्टीका उम्मेदवार तथा काठमाडौं महानगरका निवर्तमान मेयर बालेन साहलाई अग्रिम शुभकामना दिँदै पूर्ण साथ, समर्थन र चुनावी अभियानमा सक्रिय रहने प्रतिबद्धता व्यक्त गरेका छन्।

प्रसाईंले आफ्नो सामाजिक–राजनीतिक यात्रामा साथ दिने पार्टी नेतृत्व, कार्यकर्ता, क्रियाशील सदस्य, शुभेच्छुक र आम नागरिकप्रति आभार प्रकट गरेका छन्।

उनले ‘परिवर्तन सम्भव छ, हाम्रै पालामा’ भन्ने सन्देशसहित नयाँ राजनीतिक यात्राको संकेत गरेका छन्।