काठमाडौँ । इजरायल र लेबनानको हेज्बुल्लाहबिच युद्धविराममा सहमति भएको छ।

एक वरिष्ठ अमेरिकी अधिकारीलाई उद्धृत गर्दै बीबीसीले जनाएअनुसार यो सम्झौता शुक्रबार स्थानीय समय अपराह्न साँझ ४ बजे लागु भएको छ।

इजरायली सेनाका प्रवक्ता ब्रिगेडियर जनरल अफी डेफ्रिनले विज्ञप्तिमार्फत भनेका छन्, ‘हामी युद्धविरामको अवस्थामा छौँ। आवश्यक परेमा इजरायल लडाइँ जारी राख्न तयार छ।’

यसअघि इजरायलले दक्षिणी लेबनानमा रातभर हवाई आक्रमण गर्दा कम्तीमा १८ जनाको मृत्यु भएको लेबनानी स्वाास्थ्य मन्त्रालयले जनाएको छ।

इजरायली सेनाले पनि आफ्ना चार सैनिक मारिएको बताएको छ।

गत बुधबार राति अमेरिका र इरानले युद्ध अन्त्य गर्न सम्झौतामा हस्ताक्षर गरेका छन्।

यस सम्झौतामा लेबनानसहित सबै मोर्चामा युद्ध अन्त्य गर्ने भनिएको छ।