काठमाडौं – सरकारले नेपाल प्रशासन सेवा, सामान्य प्रशासन समूहका ४२ जना उपसचिवको सरुवा तथा कामकाजमा खटाउने निर्णय गरेको छ ।

भूमि व्यवस्था, सहकारी, संघीय मामिला तथा सामान्य प्रशासन मन्त्रालयले असोज २ गते गरेको निर्णयअनुसार विभिन्न मन्त्रालय, विभाग, स्थानीय तह तथा जिल्ला समन्वय समितिमा कार्यरत उपसचिवहरूको जिम्मेवारी हेरफेर गरिएको हो ।

सरुवा तथा कामकाजमा खटाइएकामध्ये विभिन्न नगरपालिकामा प्रमुख प्रशासकीय अधिकृतका रूपमा कार्यरत उपसचिवसमेत रहेका छन् । मन्त्रालयका अनुसार संघीय निकायमा कार्यरत केही उपसचिवलाई स्थानीय तहमा पठाइएको छ भने स्थानीय तहमा प्रमुख प्रशासकीय अधिकृतका रूपमा कार्यरत केही उपसचिवलाई मन्त्रालय, विभाग तथा अन्य निकायमा सरुवा गरिएको छ।

मन्त्रालयले प्रशासनिक आवश्यकता तथा कार्यसम्पादनलाई ध्यानमा राख्दै उपसचिवहरूको जिम्मेवारी हेरफेर गरेको जनाएको छ ।