काठमाडौं – विशेष अदालतले व्यवसायी दीपक भट्ट र सुलभ अग्रवाललाई सम्पत्ति शुद्धीकरण (मनी लन्डरिङ) मुद्दामा पुर्पक्षका लागि थुनामा पठाउन आदेश दिएको छ ।

विशेष अदालतका अध्यक्ष सुदर्शनदेव भट्ट तथा सदस्य न्यायाधीश उमेश कोइराला र विदुर कोइराला सम्मिलित इजलासले बुधबार थुनछेक बहस सकिएपछि दुवै प्रतिवादीलाई थुनामा राखेर मुद्दाको थप सुनुवाइ अघि बढाउन आदेश दिएको हो ।

सम्पत्ति शुद्धीकरण सम्बन्धी मुद्दामा अनुसन्धानका क्रममा संकलित प्रमाण तथा अभियोजन पक्षका दाबीका आधारमा अदालतले अन्तिम फैसला नआउँदासम्म थुनामै राखेर मुद्दाको प्रक्रिया अगाडि बढाउने आदेश दिएको जनाएको छ। अदालतको आदेशसँगै उनीहरूलाई डिल्लीबजार कारागार लगिएको छ ।

तस्बिरः नेपाल फाेटाे लाइब्रेरी