काठमाडौं– महाशिवरात्रीको अवसरमा पशुपति नाथ क्षेत्रमा थुप्रिएको फोहोरमैला क्रिएसनद्धारा परिचालन गरिएका सफाइकर्मीहरुले सरसफाइ गर्न बिहानैदेखि खटेका छन् । 

क्रिएसन नेपालले सफा गरौँ अभियान अन्तर्गत महाशिवरात्रि पर्वको अवसर पारेर गत करिब पाँच सय भन्दा बढी सफाइकर्मी तथा स्वयंसेवक परिचालन गरी वृहत् सरसफाइ गरेका छन् । 

हिजो शिवरात्रीको अवसरमा पनि पशुपतिनाथ क्षेत्रभित्र बढी फोहोरमैला संकलन हुने ठाउँमा करिब पाँच सय भन्दा बढी सफाइकर्मीकर्मी बिहानदेखि बेलुकासम्म सरसफाइ गरेका थिए । 

दि कोकालाकोला फाउण्डेसनको सहयोगमा क्लाइमेट स्मार्ट सिटिज परियोजना अन्तर्गत क्रिएसनले सञ्चालन गरेको सफा गरौँ अभियान अन्तर्गत पशुपति क्षेत्र विकास कोषसँगको सहकार्यमा सरसफाइ गरिएको निर्देशक सुजाता कोइरालाले बताइन । 

महाशिवरात्रिको अवसरमा पशुपतिनाथ क्षेत्रभित्र दर्शनार्थीहरुको लाखौँको संख्यामा घुइँचो लाग्ने भएको हुँदा फोहोरमैला सरसफाइ कार्यका लागि निजी क्षेत्रमा कार्यरत सफाइकर्मीसँग मिलेर अभियानको रुपमा सफा, पवित्र र हरित शिवरात्रि अभियान सञ्चालन गरिएको क्रिएसन नेपालका महासचिव रोशना सुवेदीले बताइन । 

सरसफाइ अभियान अन्तर्गत करिब पाँच सयको संख्यामा रहेका सफाइकर्मी तथा  स्वयंसेवकहरूले लगातार तिन दिनसम्म पशुपतिक्षेत्रमा सरसफाइ गतिविधि सञ्चालन गर्ने क्रिएसन नेपालका कार्यक्रम निर्देशक कोइरालाले जानकारी गराइन् । 

उक्त अवसरमा कोकाकोला फाउण्डेसनले महाशिवरात्रीको अवसरमा आउने दर्जन गर्न आउने दर्शनार्थी तथा भक्तजनहरूका लागि निःशुल्क रुपमा कोकाकोला कम्पनीका विस हजार बोतल जिरो सुगर उत्पादनहरू वितरण गरेका थिए । 

विश्व सम्पदा सूचीमा सूचीकृत पशुपतिनाथ क्षेत्रलाई केन्द्रमा राखी जिम्मेवार फोहोरमैला व्यवस्थापन तथा नागरिक सचेतना अभिवृद्धि गर्ने उद्देश्यसहित सफा गरौँ अभियान सञ्चालन गरिएको क्रिएसनले जनाएको छ ।

विश्व सम्पदा सूचीमा सूचीकृत पशुपतिनाथ क्षेत्रलाई सफा, स्वच्छ र मर्यादित राख्ने लक्ष्यसहित सञ्चालन गरिएको यस अभियानले दिगो सरसफाइ संस्कृतिको विकासमा योगदान पुर्‍याउने विश्वास निर्देशक कोइरालाले व्यक्त गरिन् ।

क्रिएसन नेपालले ‘क्लाइमेट स्मार्ट सिटिज’ परियोजनामार्फत सहरी क्षेत्रमा दिगो व्यवस्थापन, फोहोर न्यूनीकरण तथा स्वच्छ वातावरण निर्माणमा थप योगदान पुग्ने अपेक्षा गरिएको छ ।