एजेन्सी- एक वर्ष भन्दा लामो समयदेखि फ्रान्समा बन्दी बनाइएका इरानी नागरिक महदिह एस्फान्डियारी स्वदेश फर्केकी छन् । इरानले दुई फ्रान्सेली नागरिकहरूलाई रिहा गरेको एक हप्ता पछि उनलाई रिहा गरेको जनाइएको छ । 

प्यालेस्टिनी अधिकार कर्मीको रुपमा कार्यरत महदिह एस्फान्डियारी फ्रान्सको जेलबाट रिहा भएपछि इरान फर्केको जनाइएको छ । 

जासुसीको आरोपमा इरानी जेलमा तीन वर्ष भन्दा बढी समय बिताएका फ्रान्सेली नागरिक सिसिल कोहलर र ज्याक पेरिस फ्रान्स रिहा भएको एक हप्ता पछि एस्फान्डियारीको रिहाइ भएको हो ।

यस अघि इरानले एस्फान्डियारीका लागि आदान–प्रदानको रूपमा दम्पतीलाई मुक्त गर्न सकिने सुझाव दिएको थियो ।

गत फेब्रुअरीमा फ्रान्सेली अदालतले उनलाई सामाजिक सञ्जालमा गरेको टिप्पणीमा आतंकवाद ठहर गरेको आरोपमा एक वर्षको जेल सजाय सुनाएको थियो ।

कोहलर र पेरिसलाई सन् २०२२ मे मा इरानमा पक्राउ गरी जासुसीको आरोपमा तीन वर्षभन्दा बढी जेलमा राखे पछि गत नोभेम्बरमा रिहा गरिएको थियो ।