काठमाडौं– जिल्ला अदालत काठमाडौंले पूर्वगृहसचिव टेकनारायण पाण्डेलाई नक्कली भुटानी शरणार्थी प्रकरणमा ४ वर्ष कैद र ४० हजार जरिवानाको सजाय सुनाएको छ।
नेपाली नागरिकलाई नक्कली भुटानी शरणार्थी बनाएर अमेरिका पठाउन गरिएको चलखेल प्रकरणमा पाण्डेलाई जिल्ला अदालतले मंगलबार सजाय निर्धारण गरेको हो । यसअघि असार २३ मा पनि दोषी ठहर भएका थिए ।
उनलाई ठगीतर्फ २ वर्ष कैद र २० हजार जरिवाना सुनाइएको हो । उता संगठित अपराधमा ३ वर्ष कैद र ३० हजार जरिवाना, राज्यविरुद्धको कसुरमा डेढ वर्ष कैद र १५ हजार जरिबाना तोकिएको छ ।
त्यस्तै एकीकृततर्फ ४ वर्ष कैद र ४० हजार जरिवाना तोकिएको छ । उनी हाल जेलमै छन्।
प्रतिक्रिया