काठमाडौँ– राष्ट्रिय प्रजातन्त्र पार्टी (राप्रपा) की सचेतक खुस्बु ओलीले सदनमा प्रधानमन्त्री खोज्नु भनेको जनताप्रतिको उत्तरदायित्व भएको बताएकी छन् ।
अन्य प्रधानमन्त्रीजस्तै अहिलेका प्रधानमन्त्री पनि सदनमा जवाफ दिन आउनुपर्ने बताउँदै उनले नयाँका नाममा प्रतिपक्षले छुट नदिने प्रस्ट पारिन् ।
“प्रधानमन्त्रीलाई सदनमा खोज्नु भनेको उहाँले जनतालाई दिशा दिनुहुन्छ भन्ने विश्वास हो । प्रधानमन्त्री जसरी पनि जवाफ दिन सदनमा आउनुपर्छ, हामीले उहाँको सुनिश्चितता खोजेका हौँ,” ओलीले भनिन्, “जनताप्रति सरकार उत्तरदायी भएन भने त्यो सरकार बलियो हुन सक्दैन र त्यसलाई जनताको सरकार भन्न मिल्दैन ।”
प्रतिक्रिया