काठमाडौं- नेपाली कांग्रेसका महामन्त्री गगनकुमार थापाले पार्टीलाई कसैको पनि प्राइभेट कम्पनी बनाउन खोजिने कदमविरुद्ध आफूहरू उभिएको बताएका छन् ।

विशेष महाधिवेशनस्थलमा बुधबार प्रतिनिधिहरूलाई सम्बोधनका क्रममा उनले यस्तो बताएका हुन् । उनले आफूलाई गरिएको कारबाहीको पनि कुनै कानुनी अर्थ नरहेको बताएका छन् ।

‘मलाई कारबाही गर्न सोधपुछ गर्नु पर्दैन, स्पष्टीकरण सोध्नु पर्दैन ?’, उनले भने, ‘निर्वाचन आयोग गएर, सबै तयारी गरेर हामीलाई अलमलमा पारियो । तर यो यो कसैको प्राइभेट कम्पनी होइन ।’

उनले वार्ताका नाममा अर्को तयारी गरेर आफूहरूलाई अलमल्याउने काम भएको पनि बताए । थापाले विशेष महाधिवेशनमा बहुमत आफूहरूको भएकाले निर्वाचन आयोगले निर्णय स्वीकार गर्ने पनि बताएका छन्।