काठमाडौं – उज्यालो नेपाल पार्टीका अध्यक्ष कुलमान घिसिङले निर्वाचन परिणामलाई लिएर हार नस्वीकार्ने बताएका छन् ।

शनिबार काठमाडौंमा आयोजित पार्टी प्रवेश कार्यक्रममा अध्यक्ष घिसिङले पछिल्लो निर्वाचनमा सोचेजस्तो परिणाम नआए पनि त्यसलाई हारका रूपमा नलिने स्पष्ट पारे।

उनले उक्त परिणामलाई अनुभव र सिकाइको रूपमा लिँदै आगामी दिनमा पार्टीलाई अझ सशक्त र देशव्यापी बनाउने प्रतिबद्धता व्यक्त गरे।

‘यो हाम्रो लागि पहिलो खुट्किलो हो, जनताको विश्वास र माया हामीले गुमाएका छैनौँ,’ अध्यक्ष घिसिङले भने।

उनले आगामी दिनमा जनताको विश्वासलाई शक्तिमा रूपान्तरण गर्ने लक्ष्यसहित अघि बढ्ने बताए। त्यसैगरी, उनले पार्टी सदस्यता विस्तारलाई अभियानकै रूपमा अगाडि बढाउन नेता तथा कार्यकर्तालाई निर्देशन दिए ।