काठमाडौं– नेपाली कांग्रेस बागमती प्रदेशस्तरीय देउवा पक्षीय भेलाले पार्टीभित्र वृहत एकता, सङ्गठनात्मक पुनर्जागरण र स्पष्ट राजनीतिक दिशाका लागि महासमितिको बैठक तत्काल बोलाउनुपर्ने निष्कर्ष निकालेको छ।

बुधबारको भेलाले आन्तरिक लोकतन्त्र सुदृढ गर्दै विधान संशोधन, नेतृत्व चयन प्रक्रिया, भ्रातृ तथा शुभेच्छुक संस्थाको नियमितता र सङ्गठनात्मक सुधारलाई प्राथमिकता दिनुपर्नेमा जोड दिएको छ।

साथै, हालका निर्वाचन परिणामको समीक्षा गर्दै पार्टीभित्र देखिएका मतभेद र अनुशासनात्मक कारबाही रोक्नुपर्ने माग पनि गरिएको छ।

भेलाले सरकारका गतिविधि लोकतान्त्रिक मूल्य र संसदीय परम्पराविपरीत जान थालेको भन्दै नागरिक अधिकार, विधिको शासन र प्रेस स्वतन्त्रताको पक्षमा स्पष्ट भूमिका लिनुपर्ने धारणा समेत अघि सारेको छ।