काठमाडौं– एक वर्षमा देशभर भएका विभिन्न बिपद्का घटनमा परी  ४ सय ९६ जनाको मृत्यु भएको छ । 

गृह मन्त्रालय अन्तर्गत विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको तथ्यांक अनुसार २०८२ सालको वैशाख १ गतेदेखि चैत ३० गतेसम्मको अवधिमा मुलुकभर ७ हजार ७ सय १६ विपद्का घटनामा परी ४ सय ९६ जनाको मृत्यु भएको छ भने ३८ जना बेपत्ता भएका छन् । 

यी विभिन्न घटनामा परी १ हजार ९ सय ९१ जना घाइते भएका प्राधिकरणको तथ्यांकमा उल्लेख छ । प्राधिकरणका अनुसार सबैभन्दा धेरै लागालागीका ३ हजार ७ सय ६८ घटना हुँदा  १०६ जनाले ज्यान गुमाएका छन् । त्यस्तै सर्पदंशका ६ सय २७ घटनामा १०१ जनाको मृत्यु भएको छ ।

६ सय २४ पहिरोका घटनामा ७६ जनाको मृत्यु भएको छ भने चट्याङका  ४ सय २६ वटा घटनामा ४८ जनाको मृत्यु भएको  प्राधिकरणको तथ्यांकमा उल्लेख छ । 

यस वर्ष विपद्का कारण कुल १३ हजार ६ सय ९३ परिवार प्रत्यक्ष रूपमा प्रभावित भएका छन् । सबैभन्दा बढी प्रभावित परिवारको संख्या आगलागीका कारण ४हजार ३२ र बाढीका कारण ३ हजार ३ सय रहेको छ ।