काठमाडौं- नेकपा एमालेका अध्यक्ष एवम् पूर्वप्रधामन्त्री केपी शर्मा ओलीका बुवा मोहनप्रसाद ओलीको ९७ वर्षको उमेरमा शुक्रबार निधन भएको छ ।

भक्तपुरको कोरियन अस्पतालमा निधन भएका उनको पशुपति आर्यघाटमा अन्तिम दाहसंस्कार गरिएको छ। यसैबीच विधिवत काजकिरियाका लागि ७३ वर्षीय उनले कपाल खौरिएका छन् ।

ओलीलाई परेको पितृ शोकमा राष्ट्रिय स्वतन्त्र पार्टीका वरिष्ठ नेता बालेन्द्र साहले सामाजिक सञ्जालमार्फत् श्रद्धाञ्जली व्यक्त गरेका छन् ।

भावी प्रधानमन्त्रीका रुपमा रहेका उनले पिता जस्तो रक्षक कोही नहुने बताउँदै ओलीप र उनकव परिवारप्रति समवेदन प्रकट गरेका हुन् ।

‘पिताजस्तो रक्षक कोही छैन, पिताजस्तो गुरू कोही छैन, पिताजस्तो देवता पनि कोही छैन’, उनले भनेका छन्, ‘केही समयअघि मात्रै पिता गुमाएकाले मलाई महसुस छ । पिताको अनुपस्थितिले जिन्दगीमा कति रित्तोपन ल्याउँछ, कस्तो अपूरणीय अभाव ल्याउँछ।’

के भने बालेन्द्रले ?

नास्ति पितृसमं त्राता, नास्ति पितृसमो गुरू:।
नास्ति पितृसमं दैवं, तस्मै श्रीपितृदेवाय नमः॥
पिताजस्तो रक्षक कोही छैन, पिताजस्तो गुरू कोही छैन, पिताजस्तो देवता पनि कोही छैन।
‘पात्र एक, भूमिका अनेक।’
केही समयअघि मात्रै पिता गुमाएकाले मलाई महसुस छ – पिताको अनुपस्थितिले जिन्दगीमा कति रित्तोपन ल्याउँछ, कस्तो अपूरणीय अभाव ल्याउँछ।
पूर्वप्रधानमन्त्री केपी शर्मा ओलीज्यूलाई पर्न गएको पितृशोकमा हार्दिक समवेदना व्यक्त गर्दछु।
पिताजीप्रति हार्दिक श्रद्धाञ्जली, बैकुण्ठवास होस्।