सुर्खेत – रुकुम पश्चिमको सानीभेरी गाउँपालिका–६ देउताखोलामा जिप दुर्घटना हुँदा दुई जनाको मृत्यु भएको छ भने नौ जना घाइते भएका छन् ।
प्रहरीका अनुसार कोटगाउँबाट गाउँपालिकाको केन्द्र सिम्ली हुँदै खलंगातर्फ आउँदै गरेको लु १ च ६०२९ नम्बरको जिप आइतबार दुर्घटनामा परेको हो ।
दुर्घटनामा परी जिप चालक र एक महिलाको घटनास्थलमै मृत्यु भएको सानीभेरी–६ का वडाध्यक्ष पहलसिंह घर्तीले जानकारी दिए । मृतकको सनाखत हुन सकेको छैन ।
जिपमा कुल ११ जना सवार थिए । घाइते नौ जनामध्ये चार जनाको अवस्था गम्भीर छ भने पाँच जनाको अवस्था मध्यम रहेको जिल्ला प्रहरी प्रमुख प्रहरी नायव उपरीक्षक वेदबहादुर पौडेलले बताए ।
प्रतिक्रिया