काठमाडौं- नेकपा एमालेका नेता किरण गुरुङले फागुन २१ को निर्वाचनमा लज्जास्पद हारको जिम्मेवारी केन्द्रीय नेतृत्वले लिनैपर्ने बताएका छन्।

प्रत्यक्षमा ९ सिटसहित २५ सिटमा एमाले समेटिएको अवस्थामा उनले देशव्यापी हारको जिम्मेवारी केन्द्री तहका नेता र नेतृ्त्वले लिनुपर्ने मत राखेका हुन् ।

‘यो देशव्यापी लज्जास्पद हारको पहिलो जिम्मा केन्द्रीय तहका नेता र नेतृत्वले लिनैपर्छ। अन्टसन्ट तर्क गरेर उम्कन मिल्दैन’, उनले बिहीबार भनेका छन् ।

अध्यक्ष केपी शर्मा ओलीले तेस्रो कार्यकाल एमालेको नेतृत्व गर्दै गर्दा इतिहासमै लज्जास्पद पराजय भएको छ। एमाले अहिले संसद्को तेस्रो पार्टी भएको छ।

अब एमालेले कांग्रेस र नेकपासँगै साना दलको संज्ञा पाउन थालेको छ। अंकगणितले श्रमसंस्कृति पार्टी र राप्रपाकै हैसियतमा एमालेलाई धकेलिदिएको छ।