काठमाडौं– बुधबार बिहान ११ बजेका लागि बोलाइएको प्रतिनिधिसभा बैठक सरेको छ । 

संसद् सचिवालयका महासचिव महाप्रसाद पाण्डेले विज्ञप्ति जारी गरेर बैठक २ बजेका लागि सरेको जानकारी गराए ।

प्रतिनिधि सभामा प्रधानमन्त्री बालेन्द्र शाह उपस्थित भएर जवाफ दिनुपर्ने माग राख्दै प्रतिपक्षीले निरन्तर संसद् अवरोध गरिरहेका छन् । 

राष्ट्रिय स्वतन्त्र पार्टीका सभापति रवि लामिछानेले प्रतिप्रक्षीसँग कुरा गरेर संसद्को अवरोध खुलाउन पहल गरे पनि कुरा मिलेको छैन । 

प्रधानमन्त्रीले लिखित रूपमा पेश गरेको जवाफ परराष्ट्र मन्त्रीले पढेर सुनाउने माग राख्दा पनि रविले परराष्ट्र मन्त्रीले नै जवाफ दिने जानकारी गराएपछि कुरो नमिलेको हो ।

पार्टी सभापति लामिछानेले परराष्ट्रमन्त्री शिशिर खनालले नै जवाफ दिने अडान कायम राख्दा विपक्षीले भने त्यसलाई नमानेपछि सहमति जुट्न सकेको छैन।

प्रधानमन्त्री बालेन्द्र शाहले सदनबाट नेपालले पनि भारतको भूभाग मिचेको छ भन्ने अभिव्यक्ति दिएपछि संसद् बैठकमा १० दिन अगाडिबाट निरन्तर अवरोध भइरहेको छ ।

अहिले पनि प्रतिपक्षी दलसँग पार्टी सभापति लामिछाने निरन्तर संवादमा छन् ।