काठमाडौं – अभिनयमा आधारित कमेडी रियालिटी शो ‘सुपर कमेडी लिग’ को घोषणा भएको छ । भदौ अन्तिम साताबाट प्रसारण सुरु हुने गरी यो कार्यक्रमको निर्माण प्रक्रिया सुरु गरिएको छ ।

ललिपुरमा एक कार्यक्रमको आयोजान गरी आइतबार निर्माण पक्षले निर्णायक पक्ष र कार्यक्रमबारे जानकारी दिएको छ । यस कार्यक्रमको प्रेसिडेन्टको भूमिकामा महानायक राजेश हमाल छन् ।

कलाकारहरू विल्सनबिक्रम राई, लुनिभा तुलाधर, रविन्द्र झा र सुरक्षा पन्त क्याप्टेन-मेन्टरका रूपमा रहेका छन् ।

साउन २९ बाट यसको अडिसन सुरु हुने निर्माण पक्षले बताएको छ । विभिन्नमा पाँच सहरमा अडिसन हुने बताइएको छ ।

साउन २९ मा दमक, साउन ३१ मा नारायगढ, भदौ २ मा नेपालगञ्ज, भदौ ४ मा पोखरा र भदौ ६ मा काठमाडौंमा अडिसन हुने बताइएको छ ।

अडिसनबाट ३२ प्रतिस्पर्धी छनोट हुनेछन् । छनोट भएका प्रतिस्पर्धीहरू चार समूहमा विभिजित हुनेछन् । आठ जनाको चार समूहको नेतृत्व क्याप्टेनहरूले गर्नेछन् ।

नेपाल आइडल, सारेगम लिल च्याम्प्स, बुगी बुगी, मेरो भोइस युनिभर्स र मेरो डान्स युनिभर्स लगायत विभिन्न अन्तर्राष्ट्रिय फ्रेन्चाइज तथा रियालिटी शोको निर्देशनको अनभव रहेका एलिन श्रेष्ठ यसको निर्देशकको जिम्मेवारीमा छन् ।