काठमाडौं– आज साउनको अन्तिम सोमबार । देशभरका शिवालयहरूमा भक्तजनको भीड छ।  त्यसमा पनि काठमाडौंको पशुपतिनाथ र भक्तपुरको डोलेश्वर मन्दिरमा बिहानैदेखि श्रद्धालुहरुको लामो लाइन छ । 

पशुपति क्षेत्रमा भारतीय धार्मिक पर्यटकहरू पनि उल्लेख्य देखिएका छन्। भारतका विभिन्न राज्यबाट आएका दर्शनार्थीहरु पशुपतिनाथमा देख्न सकिन्छ । 

भारतीय हिन्दूहरुले पशुपतिनाथलाई आस्थाका साथ हेर्ने गर्छन् । भारतबाट आउने उच्चपदस्थ व्यक्ति तथा सेलिब्रेटीहरु पनि नेपाल आउँदा पशुपतिनाथ पुग्ने गर्छन् । 

हालैमात्र बलिउड अभिनेत्री शिल्पा शेट्टी नेपाल आइपुग्नेबित्तिकै पशुपतिनाथ मन्दिर पुगेकी थिइन् । मन्दिर परिसरमा शिल्पाको उपस्थितिले नेपाली तथा भारतीय प्रशंसकहरूको उल्लेख्य भीड लागेको थियो ।

तस्बिरहरू- सुर्याम्स उप्रेती/नेपाल फोटो लाइब्रेरी