काठमाडौँ – राष्ट्रिय स्वतन्त्र पार्टी (रास्वपा) भित्र आन्तरिक किचलो सतहमा आएका बेला सांसद राजु पाण्डेले सामाजिक सञ्जालमा दिएको अभिव्यक्तिले राजनीतिक वृत्तमा तरङ्ग पैदा गरेको छ।

शनिबार राति प्रधानमन्त्री वालेन्द्र शाहले आफू सत्तामा एक्लो परेको सङ्केत गर्दै सामाजिक सञ्जालमा “आफू एक्लै रहेको” टिप्पणी गरेपछि रास्वपाभित्रको विवाद छताछुल्ल भएको हो। प्रधानमन्त्री शाहको उक्त टिप्पणीलगत्तै रास्वपा सांसद मनिष झालगायतका नेताहरूले सामाजिक सञ्जालमार्फत नै त्यसको प्रतिवाद गरेका थिए।

पार्टी सभापति रवि लामिछाने र प्रधानमन्त्री शाहबीच संसद् तथा सामाजिक सञ्जालमा वाकयुद्ध चर्किएकै समयमा सांसद पाण्डेले फेसबुकमा लेखेका छन्, “नाङ्गै जन्मेको थिएँ, नाङ्गै जल्ने छु।”

सत्तापक्षका वरिष्ठ नेता तथा प्रधानमन्त्री शाह र पार्टी नेतृत्वबीच उत्पन्न दूरीका बीच आएको पाण्डेको यो भनाइलाई राजनीतिक वृत्तमा महत्त्वका साथ हेरिएको छ।