काठमाडौँ– नेपाली कांग्रेसले आजदेखि प्रतिनिधिसभाका १६५ वटै निर्वाचन क्षेत्रको समीक्षात्मक कार्यक्रम सुरु गर्दैछ ।

गत फागुन २१ गते सम्पन्न प्रतिनिधिसभा सदस्य निर्वाचनमा भोगेको पराजयका विषयमा समीक्षा सुरु गर्न लागेको हो ।

कांग्रेस महामन्त्री प्रदीप पौडेलका अनुसार पहिलो दिनको कार्यक्रम आज मधेश प्रदेशको जनकपुरमा हुनेछ ।

कार्यक्रममा सम्बन्धित प्रदेश अन्तर्गत क्षेत्रका उम्मेदवार, क्षेत्रीय सभापति, जिल्ला सभापति, प्रदेश सभापति, प्रदेशका केन्द्रीय सदस्य, समानुपातिक तर्फका उम्मेदवारहरू, प्रदेशका पदाधिकारीहरू सहभागी हुनेछन् ।

कांग्रेसले तय गरेको कार्यक्रम अनुसार यही चैत २७ गते गण्डकीको पोखरामा, चैत २९ गते लुम्बिनीको बुटवलमा, वैशाख ३ गते कर्णालीको सुर्खेतमा, वैशाख ५ गते सुदूरपश्चिमको धनगढी, वैशाख ७ गते बागमतीको हेटौँडा र वैशाख ९ गते कोशी प्रदेशको विराटनगरमा समीक्षात्मक कार्यक्रम रहेको छ ।